ភ្នំពេញ៖ មនុស្សប្រុសស្រីចំនួន ៦នាក់ បានស្លាប់ក្នុងហេតុការណ៍អគ្គិភ័យឆាបឆេះក្លឹបកម្សាន្តមួយកន្លែងដែលស្ថិតនៅសង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ កាលពីល្ងាចម៉ោង៥ថ្ងៃនេះទី០១ ខែកក្កដា ឆ្នាំ២០២៣។
មូលហេតុដែលបណ្តាលឱ្យមានហេតុការណ៍អគ្គិភ័យនេះ គេមិនដឹងនៅឡើយទេ ខណៈអាជ្ញាធរកំពុងតែស្រាវជ្រាវ។ ជនរងគ្រោះដែលបានស្លាប់ក្នុងហេតុការណ៍នេះ មានចំនួន ៦នាក់ ក្នុងនោះស្រី ២នាក់ និងប្រុស ៤នាក់។ គ្រោះអគ្គិភ័យនេះបានកើតឡើងនៅល្ងាចម៉ោង៥ និងត្រូវបានកងកម្លាំងពន្លត់ឱ្យរលត់ទៅវិញនៅវេលាម៉ោង៨កន្លះយប់ថ្ងៃដដែល។
កងកម្លាំងអន្តរាគមន៍បង្ការពន្លត់អគ្គីភ័យបានប្រើប្រាស់រថយន្តការិយាល័យអគ្គិភ័យចំនួន ២២គ្រឿង ដោយប្រើប្រាស់ទឹកអស់ចំនួន ៨៨រថយន្ត ស្មើនឹង ៣៥២ ម៉ែត្រគូប៕
ព័ត៌មានជាច្រើនទៀតសម្រាប់អ្នក
